反了反了，民建聯元秋蔣麗芸又有破格行為﹗話說廣西玉林狗肉節又到，大家都會心痛好多無辜辜嘅狗狗被人宰殺。身為愛狗之人嘅元秋亦都出手，表示國家經已係世界強國，亦同國際接軌，期望早日立法全國禁食狗肉。

先旨聲明，八方係絕對反對狗肉節嘅。不過八方相當驚訝，身為建制派捍將嘅元秋發起傷害廣西玉林市人民食狗肉權利、公然質疑玉林市每年有大量狗隻被屠殺係慘不忍睹嘅行動，令八方呢次相當敬佩元秋。

八方信奉識睇係睇留言嘅原則，睇吓元秋呢個po有咩迴響，點知…有網民質疑「何必將自己嘅飲食文化強加人身上」，有網民用簡體字反問「西方人吃血淋淋的牛肉有人會去禁止嗎？」，甚至有網民詢問「大灣區不是一視同仁都可以食狗肉嗎？」。睇嚟元秋要求內地取締狗肉節前，都要提升一下睇佢專頁嘅網民質素先。