阿瑞一家三口居於由豬棚改成的石屋多年，上月中才獲房屋署通知配屋，興奮之情還未消退，卻突然傳來丈夫身亡的噩耗；其夫周頌年，日前被發現暴斃街頭，死因仍有待解剖確定。阿瑞驟失枕邊人，悲傷不已，她與稚子不但為往後生計憂心，就連眼前的殮葬費亦無力應付，蘋果日報慈善基金即時施予援手。

這短短半個月，阿瑞的心情經歷翻天覆地的轉變，叫她難以接受。「到𠵱家，我都覺得自己係發緊夢，好痛苦，好想快啲發完呢個夢，一切變番以前咁。」阿瑞飲泣着說。
30歲內地居民阿瑞，早年經朋友介紹，認識較她年長一歲的香港人周頌年，兩人未幾共諧連理，99年誕下兒子錕仔。錕仔現年5歲半，阿瑞為了照顧他，一直持雙程證留港，一家三口租住元朗一間由豬棚改建而成的石屋。
由於居住環境欠佳，周氏夫婦多年來希望上樓，上月中終獲房屋署配屋，並原定近日到房署正式辦理簽約手續，可惜現在一切已成空。

一家上樓夢成空
「早排收到房署嘅信，知道派咗個天水圍單位，雖然我哋未正式攞到鎖匙，但已經好開心，兩公婆周不時踩單車去望吓幢大廈，重幻想之後搬入去嘅生活，估唔到𠵱家會搞成咁，乜嘢希望都冇晒。」阿瑞黯然表示。
上月28日傍晚，周頌年離家外出偕友用膳，詎料一去不返，翌日他被發現暈倒街上，送院後證實不治，死因仍有待法醫官解剖才能確定。「阿年身體一向好健康，出事前嗰晚都冇乜唔妥，我真係唔知發生乜嘢事，點解佢會無端端去咗。」