Game Over喇！播出10年，J2節目《兄弟幫》宣佈下月3日播畢最後一集便正式結束。林盛斌(Bob)、梁競徽、陳國峰、王梓軒等今日在將軍澳無綫電視城錄影最後兩集，競徽坦言不捨：「呢幾年都忙，唔會成日主持到呢個節目，但佢哋話今次係最後一日廠，嗰一刻真係有啲失落，節目去到2505集就會完結。」提到好兄弟林峯傳年尾與張馨月結婚，競徽表示不清楚，但透露林峯近日會離開香港。

而Bob覺得已完成歷史任務，能夠做10年已非常難得，他更特別讚賞王梓軒好努力，初加入時會打電話問意見，他說：「佢真係幾有心，即使喺節目計錯數都係唔小心，真心計錯數，搞下笑啫。」

陳國峰在現場宣佈好消息，已育有2歲囝囝的他，透露太太黃思雅(Wing)懷有第二胎，他說：「老婆有咗4個幾月，今胎都係仔，但會追女喇，我哋都鍾意仔。」他直言生小朋友都是計劃之內，現在要更努力搵奶粉錢。

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇