前晚花旗股市跌咗兩百幾點，但港股昨日可以拗腰抽番上去，仲有15點升幅，已經好叻，恒指雖然企唔到喺22000樓上收市，總算升穿條10日線，成交有741億元，成個勢好咗。

美股道指昨晚好大機會下試11000關，守唔到就要試10800，不過，今年已過咗一半，基金都要做番啲嘢，美股唔掂，應該會轉炒其他市場。
中鐵C輪13828：中鐵（390）噚日升破6元，個勢好好，有機試6.7元，可以諗吓隻C輪13828，昨收55仙，槓桿率10.9倍（有效5倍）。
正股升上6.7元，13828可見91仙，正股跌穿5.72元，就沽咗隻輪止蝕。