日劇《交響情人夢》33歲男星小出惠介，日前爆出性醜聞，佢被指喺大阪拍劇期間相約一名17歲女生夜蒲，少女報稱飲醉後被帶往酒店，禁室培慾共六小時，其間發生性行為共五次，其中兩次更於體內射精。不過之後爆出女方並唔係高中生，而係一位單親媽媽，又曾經向小出勒索500萬日圓（約35萬港元）。

小出惠爆出醜聞後被事務所無限期停止，所有演出作品都要抽起，佢原來有份參與明石家森馬監製嘅Netflix劇集《Jimmy》都受到影響，明石家森馬噚晚喺電台節目透露收到小出來電致歉，小出喺電話邊喊邊向明石家道歉。因小出工作全部叫停，原定由佢同福士蒼汰、川口春奈合作新劇《曾經愛過，是有秘密的》，有指電視台要求憑《逃跑雖可恥但有用》上位嘅星野源頂上，來代替份屬同門嘅小出。

另一方面，女事主被起底之餘，再被爆涉嫌勒索小出，被外界指佢要錢不果爆料，據日本傳媒報道，一名疑係女事主母親喺網上透露女兒因承受極大精神壓力，已經入院治療。