美國流行樂壇天后麥當娜（Madonna）出道多年，終於定下年2月17日來港開騷，由於門票開賣後反應熱烈，網上又掀起一片炒飛熱，主辦單位LiveNation今日宣佈香港騷決定加開一場，日期鐵定一直盛傳嘅2月18日，連海報都已經曝光。

娜姐兩場RebelHeartTour香港騷假亞洲國際博覽館Arena舉行，加場門票將於10月9日早上10時公開發售。不過，今次同上次一樣會有歌迷會官網優先訂票服務，官網會員都係可以畀20美金於10月1日優先搶飛。而香港Citi信用卡客戶可於10月5日（星期一）早上10時至10月7日（星期三）下午5時於快達票網站及電話熱線優先購票。另外，香港1O1O客戶也可於10月8日上午10時至下午5時致電熱線訂購門票，都係以先到先得形式購票。

至於台灣方面，娜姐亦宣佈會加場，原本佢只係2月4日係台北小巨蛋開一場，但依家宣佈於2月6日再開多一場，fans又要準備撲飛啦！