有留意開香港馬圈消息的馬迷都知道，金牌馬販大衛派斯引入良駒來港多不勝數，他本身亦是馬主，其所屬的老友鬼鬼團體名下馬「嫡愛摯寶」，得到明星光環加持，自然場場受人追捧。

「嫡愛摯寶」今日（10日）角逐沙田第三場四班1400米，由潘頓操刀，估計又會是大熱門身份。

三歲質新馬「嫡愛摯寶」至今跑過4場，成績為2亞1季，無論在莫雷拉及潘頓發揮下，暫時仍未能交出頭馬，不過似乎無人懷疑此駒的質素，現居四班贏馬只是遲早之事。

「嫡愛摯寶」台前幕後星光熠熠，由蔡約翰訓練，唔止由派斯一手引入及擁有，莫雷拉及潘頓相繼策騎，全部是冠軍級人馬，但跑了四場仍未出頭，以蔡廐而言不算理想。

不過，這匹灰馬其實一直進步，由於莫雷拉停賽，剛戰潘頓初騎，最終只得第三，但頭二名馬分別是降落四班大超級的「紅旗星將」和演出極準的「軒轅齊飛」，該場三甲馬已彈開其他馬甚遠，可見「嫡愛摯寶」於四班絕對佔上風。

近日常有雨，經常說灰馬大多能應付變化地，「嫡愛摯寶」的灰色承襲自母系，外祖父Ferocity同是灰馬，Ferocity一匹灰色子嗣「神奇小子」在港一出已在好黏地獲勝，加上「嫡愛摯寶」今仗對手唔算強，潘頓一定盡砌，唔會益下家雷神。

-------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-------------------------
全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef