鄭融今日喺商台宣傳新歌《親熱》，佢話今次宣傳比較創新，舉行咗一個有獎遊戲，收集網民嘅親熱照片，佢話：「配合元宵節，會送花畀最有心思嘅參賽者。我覺得幾有心思，有人同臘味煲仔飯、酒精合照，覺得好得意。」

鄭融仲話唔介意於網上貼出自己同男友嘅合照，不過就要特別揀選男友較靚仔嘅相，「平時我哋整蠱做怪嘅相就多，要認真影同揀吓先。以前試過俾狗仔隊偷影，佢第一個反應係影得靚唔靚仔、有冇腹肌、大唔大隻，好彩佢咁諗，見佢咁好，所以揀張靚仔啲嘅。」

今年元宵節，鄭融想試整湯圓，問佢同男友一齊整？佢笑言：「試吓巴黎鐵塔反轉再反轉（《家有囍事》劇情）前嗰一幕。」