西班牙八卦雜誌大爆皇家馬德里球星基斯坦奴朗拿度（C朗），同西班牙小姐冠軍歌迪露（Desire Cordero）行埋，又有新女友，自然多人關注喇。老實講，歌迪露貴為西班牙小姐，參選環球小姐又靚到殺入最後10強，自然受歡迎，之前
已經同希亞路個囝拍過拖，仲有貝迪斯舊將雲利拿（Vincenzo Rennella）。

身為歌迪露前度，雲利拿知道舊愛同超級球星C朗搭上，個心肯肯定葡萄啦，可能因為咁，雲利拿喺沙灘一於扮C朗入波慶祝個姿勢，半裸上身，仲放上社交網站度，直情想大家將佢同C朗比高下。之不過，論爆肌度，同埋型仔度，雲利拿都係返屋企算吧啦！