【逆權運動】阮民安戴黑口罩落旺角行街 義載學生離開示威現場
蘋果日報 2019/08/03 22:08
阮民安旺角8.3旺角再遊行
今日有12萬巿民參加「8.3旺角再遊行」，其後示威者遍地開花，有示威者圍堵尖沙嘴警署，今晚9時許，警方在尖沙嘴警署外柯士甸道施放多枚催淚彈，現場附近有民居，亦有路過的市民吸入催淚煙，警方快速推進驅趕人群，現場非常混亂。另一方更旺角都有示威者集結，速龍小隊也正佈防向油麻地方向推進。
有讀者報料指大約9時許，在彌敦道見到男子組合E-Kids成員阮民安（Tommy），他的一頭金髮最易認，並戴上黑色口罩。《蘋果》今晚聯絡上Tommy，他表示約朋友路過，問到他現場情況，Tommy說：「我今晚落旺角行街，都亂㗎，但一路有人報消息提大家小心。」Tommy其後匆匆收線，未有再接聽。《蘋果》其後再聯絡上Tommy，他說：「好多謝大家關心，頭先的確喺旺角，今晚主要出嚟行街，我係MK Pop始祖，喺MK出現好正常，我相信大家明我講乜，明嘅就會明白！」Tommy透露已離開旺角：「頭先見到有好多好細嘅朋友仔，喺旺角努力做佢哋認為啱嘅事，我呢啲能夠出嚟一陣嘅，就去支持下。本身我阿哥有揸車，途中見到兩個年輕人，未必搵到車走，咁啱我架車有兩個位，於是車佢哋去下一程目的地，幫到手就幫，問番佢哋係大學生，我哋幫到手就幫，多謝大家關心。」
兩子之父的Tommy近月也有在facebook發聲表態，他有支持反送中，今日也轉發支持8.5三罷，7.21元朗爆恐襲事件，白衣人無差別打人，Tommy曾在fb怒吼：「嬲到流眼淚！點解無端端會有班白衫人出黎打人先？佢地好L得閒？個動機係咩？係邊個安排？元朗班居民，今晚一定唔可以就咁散，一定要問L清楚！過咗今晚，聽日所有人咩事都無！！！頂住！！！」