港鐵宣佈由下周一（10日）起預售廣深港高鐵香港段車票，本月23日通車日的首班車早上7時開往深圳北，只有579個座位，勢必一票難求。今早已有市民到場排隊，其中除傳媒以外，排頭位的市民梁伯伯，今早6時許便到場排隊，希望可以坐第一班高鐵，到深圳一日遊「行吓食吓嘢」。

梁伯表示，原本並非有心來排隊，但今早去飲茶時，突然心血來潮到場「八卦一下」，看一下「有冇儍仔排隊」，豈料見到除了排最前的傳媒朋友外，自己變成「排頭位的儍仔」。他表示，打算坐第一班車去深圳北遊玩，雖然要排至後日才能買到票，但認為「只係排兩日啫，加埋都唔駛兩日」，又謂已將排隊買票一事通知家人。

梁伯認為高鐵開通對經商的人是一件好事，北上不再需要太轉接，而且車程時間縮短，只需花數小時便可以北上「食個飯沖個涼再返番嚟」。梁伯打趣說：「啲人上去搵個小三，喂，同我煮晚飯，我今晚返嚟同你過晚夜，之後走人㗎喇！同屋企人就話返上去工幹，哈哈，方便好多㗎！」

你敢爆，我敢獎！ 立即WhatsApp《蘋果》24小時爆相爆片熱線 或致電：63836568