曾經同陳智燊及吳卓羲爆緋聞嘅無綫小花馬賽，近日又爆緋聞，不過今次係爆斷背緋聞。近日馬賽被踢爆同內地富婆，亦係郭可盈前經理人汪子琦秘遊歐洲，又被爆佢哋去上海拍拖，不過噚日馬賽喺香港出席活動接受訪問時，直指報道斷章取義，10分鐘訪問內，講咗近十次「斷章取義」，以及「時間會証明一切」!咁時間，証明咗啲咩呢?

經過咗一晚時間，原來，傳媒已經証明咗馬賽真係有同汪子琦喺上海拍拖。今日有報道指馬賽同汪子琦喺上海「蜜」會，兩人食飯行街被偷拍期間，已經咀足幾次，咁成個行程咀咗幾多次呢?真係唔知啦!其實馬賽只要大方啲，認咗同汪子琦拍拖，咁咪唔使俾人捉到講大話囉。

依家馬賽微博仲未有回應，大家估佢會點拆呢?朋友?攬到咁錫到咁，拆唔掂喎!


回顧一下馬賽嘅回應啦:

馬賽被爆與同性密友歐遊狂呼被斷章取義
http://bit.ly/1bX9wIg