世界盃南美洲區外圍賽完成最後一輪嘅比賽，賽前排第4嘅哥倫比亞同第5嘅秘魯對戰，原本一場「唔係你死就我亡」嘅關鍵戰，受益於智利同巴拉圭輸波，兩隊打和都唔洗被淘汰。就喺比賽尾段雙方打成1:1之際，一早收到風既哥倫比亞射手法卡奧，竟然俾鏡頭影到不斷同秘魯球員密密斟，疑似叫秘魯球員一齊和波唔好再攻。

部分秘魯球員聽到消息後半信半疑，法卡奧就加多兩錢肉緊向敵方解釋，結果比賽最後嗰幾分鐘，秘魯球員又真係咁聽話，不停將個波喺後場互傳。

最終雙方如願以償和波，兩隊排名維持不變，哥倫比亞獲得決賽週資格，秘魯就有得踢附加賽；但喺法卡奧公然叫對方「打假波」嘅行為，恐怕將面臨國際足協嘅調查，萬一罪成法卡奧分分要停賽，甚至只能夠喺看台上望住國家隊踢世界盃，何謂得不償失呢！

↓法卡奧疑似打假波片段↓
http://bit.ly/2yaefeW