雨僑同老公羅力威結婚一年多，早前終於到日本度蜜月，今次仲要係佢哋首次到外地享受二人世界，雨僑話：「旅行多數都係同家人或朋友去，今次真係第一次兩個人去玩。」

出名慳家嘅雨僑去旅行都堅持應慳得慳，佢仲話慳錢其實唔難：「只要預先計劃好，好似我哋有一日去溫泉旅館，嘆完五星級享受，之後幾日嘅行程咪慳啲。」至於其他慳錢秘訣，佢就賣晒關子叫大家留意即將上載嘅影片。
撰文：馮仁昭