當年今日
關於我們
復操李宗偉:唔想畀人睇死
蘋果日報 2017/02/09 21:50
李宗偉
羽毛球
李宗偉可能下星期就復操。
大馬羽毛球一哥李宗偉早前練波時拉傷左膝,一度有傳佢要休息六個禮拜,趕唔切喺全英賽上陣。不過,李宗偉近日就向粉絲宣佈好消息,話佢膝傷嘅康復程度理想,仲有機會喺下個星期一復操,而佢宜家已經開始慢跑。
李宗偉話:「如果我嘅膝傷好番晒,我一定會出戰全英賽!」另外,34歲嘅李宗偉話唔想俾人睇死,雖然某啲人認為佢係時候退休,但佢就會堅持繼續打:「我會忽略嗰啲睇唔起我嘅人,繼續專心訓練。」