MP3機熱潮停不了,各大廠都努力開發新型號MP3機,眼見由蘋果電腦推出嘅iPod熱個滿堂紅,人氣持續飆升,引發唔少類似功能或賣相之產品登場。
Panasonic最新推出嘅SV-MP510,除咗賣相比其他機更為靚仔吸引、更為小巧的骰外,來頭亦不小,最巴閉之處係獲2004年度日本權威設計大獎(G-Mark)金獎,證明產品設計上有唔少出色之處。機殼有4色設計,分別係白色、藍色、銀色及橙色,雖然顯示屏尺寸不大,但已足可顯示4行歌曲資料,加埋白色背光燈,非常清楚易睇。按鈕則使用類似iPod般嘅輕觸式設計,控制簡單方便。