漫畫家諫山創憑熱爆作品《進擊的巨人》揚名世界各地，當代表作宣佈再拍成真人版搬上國際銀幕，諫山創在昨晚播出嘅日本節目《情熱大陸》上，就大談其十年來創作嘅心路歷程，仲表示《進擊的巨人》即將完結。

32歲嘅諫山創於2009年正式加入漫畫界，首個連載作品《進擊的巨人》令佢一炮而紅，原著漫畫至今已賣出7,600萬本，炮製成動畫版後，再開拍真人版電影由三浦春馬及水原希子主演，如今拍成荷李活新片，足見作品在全球大受歡迎。

諫山創接受《情熱大陸》貼身採訪，佢坦言已開始為《進擊的巨人》準備完結篇，雖然諫山創在節目中未有談到結局細節，但就公開完結篇其中一格漫畫，係一個大人嘅背影，並抱起嬰孩說：「你要自由...」令粉絲們期待之餘亦好唔捨得。

Google Play 2018 年度最受歡迎應用程式，請即點擊
http://bit.ly/2FCthz5 投《蘋果動新聞》一票

精選娛聞，喺晒《娛果》
http://fb.com/appledailyent