差啲輸得！這天（24日）沙田日馬第三場五班草地1200米，文家良馬房2.1倍「薪勇」直路塞車，好在鞍上人潘頓騎功了得，最終克服困難，力保大熱Win，其單Win及組合獨贏A1分別派21及16元。

四歲澳洲自購新馬「薪勇」以往14戰雖只得一亞兩季不勝，但上仗跑第三走勢不差，加上騎師由韋達（已掛靴）換上潘頓，整體發揮更有保證，故備受追捧。

不過「薪勇」贏得非常驚險，沿途守內疊三、四位，形勢似甚佳，但入直路後塞車，一度無路可上，幸好潘頓臨危不亂，等到一個窄位即把握殺上，狂鞭狂推之下，結果以頸位之先力壓「哥哥仔」，為「薪勇」取得服役首捷。

第三場第二至第四名依次為「哥哥仔」、「天皇巨星」及「錢途再現」。

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI