苟姑娘後日擺酒，41歲的視帝陳展鵬上星期六剛剛迎娶28歲嘅單文柔過門，一個星期本地已有兩單婚訊，認真熱鬧。陳展鵬及單文柔婚宴當晚撞正金牌監製潘嘉德擺大壽，不少賓客要兩邊走未能盡興，所以一對新人早已說過會擇日再招呼朋友。事隔兩日「鵬單」就找數，前晚假中環胡杏兒丈夫的餐廳舉行派對，圈中好友王君馨、黃心穎、麥明詩、馮盈盈、鄭俊弘與女友何雁詩等到賀。
陳展鵬拖住着低胸禮服的單文柔現身，單文柔受訪時表示只做了一兩日陳太，未習慣這個稱呼，但陳展鵬就好大反應：「吓，一、兩日？」原來陳展鵬快活不知時日過，記錯日子以為結婚只是一日前的事。展鵬趁機會讚老婆廚藝：「都OK，之前喺節目都試過，私下煮好多嘢我食，最多都係煲湯。」

前晚結婚派對又撞正台慶亮燈，不過陳展鵬就表示不擔心賓客有問題：「今晚亮燈，同事又拍劇，今晚搞呢個party最好最casual，決定係明智，以前啲人話結婚，都好難答到人（會唔會出席），所以都明白。」
採訪：黃曉妍
攝影：沈健程