【新增影片】
祖雲達斯前鋒保羅戴巴拿，上季歐聯射死巴塞隆拿人氣急升。射波講求時機準，戴巴拿話追女仔都一樣。阿根廷性感女演員奧莉安娜（Oriana Sabatini）最近甩拖，戴巴拿就即刻喺佢社交網站狂like奧莉安娜啲相。

奧莉安娜嘅instagram本身有成200萬人追隨，最近就多咗戴巴拿呢位粉絲。奧莉安娜早排同男女分手，但似乎心情冇受到太大影響，繼續喺自己ig放性感相，連戴巴拿都忍唔住勁like。不過戴巴拿本身有正印女友安東妮娜（Antonella Cavalieri），唔知佢咁like法會唔會畀人扭耳仔。