錢嘉樂同湯盈盈前日添女,今日盈盈出院,嘉樂仔話本身唔想跟入產房,不過就搞笑話醫生迫佢入去剪臍帶,佢話都好彩入咗去同老婆一齊,佢又用三個英文字去形容做爸爸嘅心情,就係「amazing」、「incredible」同「wonderful」,又笑言已經用晒所有識嘅英文。
佢話做爸爸感到神奇又微妙,而見到B女喊,佢大爆盈盈就喊到好似噴水池咁誇張。咁B女似邊個呢?佢就話分兩派,護士話B女似爸爸,嘉樂仔講到呢度都話,即係似盛女Bonnie?佢話都係似媽咪好啲。而英文名之前定咗叫「Alyssa」,中文名嘉樂仔就要等佢爸爸改,不過佢好搞笑話諗過如果生仔就叫「錢進」,生女就叫「錢晴」,當然係講笑啦!
「第八屆金話梅電影選舉」又嚟喇。今年除港產片有獎攞,仲增設「最爛合拍片」獎。栢芝憑四套電影入圍「最爛女主角」,應該冇得輸。大家快快投票啦,結果將於4月12日在《蘋果》娛樂版揭曉。
公投網址: http://facebook.com/AppleDailyGoldenPlum