黃翠如同蕭正楠拍拖兩年幾，最近頻傳好事近，早排甜蜜同遊英國，最近又傳出二人再出走澳洲，仲話二人唔排除閃婚，講到真嘅一樣。

以為翠如BB同蕭公子好事近？不過原來佢哋唔係去閃婚，而係一齊搵外快，仲係首次情侶檔同台演出，翠如接受傳媒訪問時話：「係呀！去澳洲TVB嘉年華，主要係今晚有個慈善晚會幫特殊兒童服務團體籌款，希望籌多啲善款就好啦，另外仲會去見Sa姐，即係《師奶Madam》嘅監製，佢生日呀！」