【新增圖片】
由韓國女星宋慧喬孖朴寶劍主演嘅tvN劇集《男朋友》，於噚晚播出第9集，港迷可於「黃Viu煲劇平台」同步追睇。

噚晚劇情講到喬妹跟朴寶劍甜蜜約會，又去咗睇電影，而且二人再次上演吻戲。不過因為約會嘅照片被報道出嚟，喬妹因為怕傷害到朴寶劍而決定暫時分手。不過最後喬妹因為太想念朴寶劍而決定去束草搵對方，二人再次重遇而且甜蜜擁抱。

雖然喬妹跟朴寶劍愛得甜蜜，不過噚晚一集收視反而急跌至7.81%，創劇集新低。而《男朋友》將於今晚播出第10集，於公開嘅預告照中，就見到喬妹跟朴寶劍回到古巴約會。

另外，喬妹早前為代言品牌拍攝新相晒美腿，噚晚佢就於Instagram公開多張花絮照。

精選韓流，喺晒《娛果》
http://fb.com/appledailyent