家陣不少電影都擔憂未來的世界可能被機械人操縱，其實唔係講笑。日本東京早前就有研發小組設計咗一個籃球機械人，結果呢位叫CUE嘅機械人，就喺周三一場職業籃球聯賽嘅半場期間正式亮相，同職業球員鬥射波，結果10射全中，準繩度高達100%，擊敗嗰位球員。

CUE係由豐田技術協會中嘅17名志願者，為慶祝汽車製造商成立70周年而設計的，而佢哋其實唔算係正式電腦程式人員，但就用佢哋對汽車技術嘅知識嚟設計。未正式亮相前，協會已經發放過video證明6尺3寸嘅CUE射波有幾咁勁，據講CUE借助人工智能程式及超過20萬次試驗同練習，先可以去到百發百中境界。

周三一場由Alvark Tokyo對Tochigi Brex嘅日本職業籃球聯賽，CUE就正式出現喺大家面前，半場時同職業球員鬥射波，結果10射全中，而球員就有兩球炒粉。睇嚟就算派史提芬居里上陣，同CUE鬥落去都一定會輸。

-------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM