所謂瘦田冇人耕，耕開有人爭，你睇容天鵬隻「邦之星」，之前因為有多少胃潰瘍，操好耐都未跑得，柏寶同潘頓試過覺得麻麻耍手擰頭，到上月尾作今季首戰，佢兩個唔吼益咗李寶利，賽前李寶利亦冇操過，點知就贏馬一條龍，賽後大幅加10分，睇得出評磅員好重視。評磅員唔放過「邦之星」，騎師更加吼到實。李寶利因停賽提早離港，聽聞好幾位騎師急急腳搵定容天鵬想攞「邦之星」嚟騎，不過容天鵬心有所屬，今次畀李寶利準外父巫斯義操刀，一定係計過度過。