香港人大時大節或朋友聚會都喜歡出外用膳，但很多人都知道自己付出的金錢，有近半都是予餐廳交租，實際「食落肚」的未必有一半，即使有錢人亦感到不值，丈夫是生意人的黃太不時都要招呼一大班親戚朋友，外出用膳不時因要湊小朋友而未能盡興，用過廚師到會的服務後，讚口不絕。

「平時一大班親戚朋友食飯，16-18人的數目較尷尬，又多小朋友，book兩圍食唔晒又會覺得好晒。」黃太第一次在報章上見到MobiChef時在仍未知口碑如何，直至見到有朋友在facebook上貼出相片，問後反應不錯，就開始了第一次。

住家私房菜的好處除了可因應人頭比錢外，身為三子之母的她認為最好的是，方便照顧小朋友，而且「點飲都得，出面加一、泊車、開瓶費，加加埋埋都唔少錢，母親節、情人節出去食都貴好多，又要硬食套餐。」

剛過去年新年，黃太就在家中開了三圍，招呼了28位親朋好友，「食川菜每人只係580元，廚師仲可因應唔同人食得幾辣而設計菜單，呢價錢是值得，因為的見到啲錢用返係野食上面，啲食材好靚。」至今用了半年，幾乎每個月都有一次，有意大利菜，亦有家常中菜。

被問到，既然家中有需要廚師，何不直接請一個，她笑言，「如果你請廚師，就算福臨門都係得一個，但佢（平台）有唔同地方菜可以試。」

記者：梁偉聰