記者到尖沙咀德X移民公司聽歐洲移民講座，連同記者約有10位市民參加，除了有師奶及中年漢，亦有年青男女到場聽講座，可見有意移民的港人階層之闊。講座除了英國及愛爾蘭等熱門國家之後，其他歐洲小國亦有推介，包括島國馬爾他、保加利亞、葡萄牙、塞浦路斯以及斯洛文尼亞。由一位較為年輕的女士主力講解移民詳情，坐在一旁的另一位年長大叔，大部份時間都默不作聲。

女士一開始介紹愛爾蘭的投資移民方案，過程大致正常，由於愛爾蘭投資移民門檻較高，在座觀眾表現並不雀躍，甚少發問，但當講者開始講及其他小國時，觀眾表現變得積極，例如講者在推銷保加利亞投資移民時，教客人用財技：「我哋喺買國債，就好穩陣嘅，有兩個方案，一個就要5年時間，另一個快速方法，就係買咗第一份國債後，將國債按畀銀行再買多一份。」講者聲稱連同國債每年收取3至4厘息，扣除律師費、及其他雜費，支出約14萬歐元。另加過百萬港元購買國債，申請者成為公民後，便可申請配偶及18歲以下子女齊齊移民。

不過要數最誇張的移民方式便是斯洛文尼亞，一直在旁冷眼觀看的移民顧問大叔開始落力推銷，他先以：「你睇呢個國家靚到不得了，就喺意大利對面，人口只得200萬人，都係自由同歐盟國家。」他強調要投資移民並不困難，只要在當地開設銀行戶口，存款7,500歐元，便可取得投資簽證，在當地經營生意，再投資10萬歐元，便可以一人申請，全家移民，但他卻取笑客人多數不會選擇此方案：「做生意要求好低，但你想唔想去吖？啱你都唔想去啦，如果去到加拿大或澳洲，梗係唔去斯洛文尼亞啦。」儘管經營生意的方案要坐移民監，但他卻另外推銷第二種方案，「另一個方案就可以直接申請護照，成本80萬左右，我哋而家有個優惠，想知道嘅可以向我哋諮詢，畀2,000蚊，到時睇你合唔合乎資格，如果得嘅6至8個月就可以直接入籍。同埋可以拎完斯洛文尼亞護照，就幫你子女申請去英國讀書，今年12月31號就截止。你仔女讀5年書就有英國居民身份，第6年攞埋英國護照。」他又補充指，曾幫助客人，於今年4月協助申請，「我哋有個快捷方法，4個月搞掂。」不過申請資格等詳情，他卻不肯再透露，只着客人付費咨詢，才能了解更多詳情。

-----------------------------

【全球樓行】 Dream House零距離

屬於香港人的移民攻略

-----------------------------

上車必讀天書 「九成按」入市懶人包

點擊即睇《按揭必讀手冊》電子書

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！