復活節要有復活蛋之外，仲有復活兔！今個復活節將會上映《比得兔》大電影，同時太古城中心將會設「比得兔快樂莊園」，俾大家置身電影中嘅感覺！

由3月22日至4月15日期間，大家可以去太古城中心二樓中橋嘅「比得兔快樂莊園」搵到比得兔。莊園分為四大區域，將《比得兔》電影場景重現，包括「比得兔電影館」、「快樂莊園活動區」、「麥奎格先生之家」同埋「比得兔莊園照相區」。「比得兔電影館」有比得同賓仔嘅概念圖，大家就知道佢哋嘅來源！有得影有得玩，仲好有意義！「快樂莊園活動區」會有「復活節彩蛋工作坊」，大家捐款港幣100元，就可以畫復活蛋！所籌嘅款項會用嚟支持啟愛共融基金在深水埗同鄰近地區嘅扶貧工作。

另外，鍾意食嘅你有福了！太古城中心聯同HABITŪ推出《比得兔》主題蛋糕，仲有期間限定下午茶套餐。除咗食，仲可以親手整！太古城中心同ABC Cooking Studio推出期間限定「復活節比得兔曲奇工作坊」，喺4月1日至15日舉辦8堂工作坊。有興趣嘅朋友仔，就睇定日期啦！

喺ApiTA、Marks & Spencer、誠品生活同HABITŪ會有期間限定商品售買。

「比得兔快樂莊園」
日期：2018年3月22日至4月15日
時間：中午12時至下午9時
地點：太古城中心二樓中橋

「麥奎格先生之家」部屋小遊戲
日期：2018年3月24、25、30、31日及4月1、2、5、7、8、14、15日
時間：中午12時至下午9時
地點：太古城中心二樓中橋

「復活節彩蛋工作坊」
日期：2018年3月30日至4月2日，每日3節，每節約45分鐘
時間：下午2時30分至3時15分；下午3時30分至4時15分；下午4時30分至5時15分
地點：太古城中心二樓中橋
報名：報名地點：2樓客戶服務中心（開放時間：早上11時至下午九時）
每節名額：15人

「復活節比得兔曲奇工作坊」
日期：2018年4月1日至15日，共8節
時間：中午12時及下午4時（4月7日）；中午12時30分及下午4時（4月8及14日）；上午10時及下午5時（4月14日）
地點：ABC Cooking Studio（太古城中心1樓）
名額：每節4對家長及其一名子女，子女需年滿9歲或以上
費用：ABC Cooking Studio會員港幣380元，非ABC Cooking Studio會員港幣480元

詳情及細則可參閱太古城中心官方網站。