許志安入行30年，2017也踏入50歲。

他早前接受蘋果專訪，將平日下午二點跑步操體能的時間，調到早上，先操肌再開工（其實無露肌照），認真心態和新人一樣。他直認近兩年想出安全地帶，試新鮮事物。

「一兩年前開始，我好想做一啲想像以外嘅事。求新，求變，求一個新鮮感。」2016年走到內地參加真人騷《蒙面歌王》、《中國之星》，開眼界，再拍大尺度電影《兇手還未睡》等。2017新專輯《18安士》、一月演唱會，找來新合作單位如Dear Jane等四隊樂隊合作，假如一個人等於一安士，18人變作18安士，集合不同力量創作，一切只為求新求變。

「成日提醒自己，要free hand，任何規限都唔要，唔要縛住，專輯、演唱會，成件事我無任何參興，只係諗隻歌要用咩唔同、新鮮嘅聲音去唱。」例如，用唱情歌方式唱Hard core的《非安全地帶》，悠然溫暖的歌聲唱講述死亡的《靈魂道》，「死亡其實係一個歷煉，同食甜嘢一樣，但唔同味道。」

入行30年，第一個十年、1997年是這首《我的天我的歌》，「嗰時好似一個球員，傷咗好耐，出嚟打嘅第一場波，因為嗰時轉新公司，俾舊公司雪藏咗一年。」

第二個十年、2007年《前程錦繡》，「嗰時心態係，又唔係咁多火，覺得要唱啲所謂，自以為多啲貢獻嘅歌。」

今年，第三個十年的《非安全地》，講出許志安心聲，以往一定要感覺安全、有把握才做，如今不想。「唔駛諗返做過乜，啲人話見一步，行一步，呢樣係比較悲觀嘅，但行一步，見一步就正面喇。」更重要，是努力唱下去，「唔係我揀咗唱歌，係唱歌揀咗我，所以一定有啲嘢，係個天想我去做。」

更多時尚、美容新聞，即上： http://add.appledaily.com