鄭嘉穎今日出席活動嘅時候，獲陳小寶同陳細潔喺現場送上結婚禮物，佢透露最近開咗IG，佢笑言係老婆陳凱琳主意：「無辦法啦，自己希望想做成功嘅男人，所以要聽老婆話，o依家咁加無聊，會放啲無聊嘢上去，但唔會放啲食飯相上去，唔想每次食飯都等等，影相。」

問到佢老婆會唔會咁做，嘉穎笑言：「會呀，我就係嗌等等嗰個，自己唔會食啲咩嘢，會分享生活上點滴先分享。」問到佢會唔會同老婆一齊開live，佢話：「我識開live，不過未咁做，我不嬲都有進入網絡世界，之前已經開咗微博。」再問到係唔係老婆游說好耐先開IG，佢就表示自己係聽話嘅。此外，嘉穎透露12月會宣傳《葉問外傳：張天志》：「聽黃百鳴講12月檔期就上映。」提到造型似古惑仔，佢說：「當時要做《風雲》，唔能夠剪頭髮，導演八爺（袁和平）話Ok。」

精選娛聞，喺晒《娛果》
http://fb.com/appledailyent