保華(498)1年插咗90%,手頭揸住洋口港項目,長線增值潛力可大可小,保華要昅昅。保華近呢幾年轉型搞祖國港口、配套及物流業。主打項目喺華東嘅洋口港。單係08年度(3月底止),洋口港已平整土儲(4.1平方公里),已經為保華帶嚟近6.4億銀重估增值收益。
已平整部份,講緊只係佔咗洋口港總面積嘅10%。若果剩餘土儲嘅價值全部反映,講緊高達57億銀,等於保華每股增值3.8元,再打個5折,NAV都增值1.9元,增值潛力真係可大可小。
保華1年嚟急跌9成,現價得番0.32元。要咁睇,個市今年嚟咁插法,市場已經失晒信心,就算唔理資產重秤,保華最新NAV2.24元,現價折讓都講緊86%。以保華現價翻一番到0.64元計,到時集團嘅NAV折讓,仲係超過70%,港口股當中,呢個折讓水平,仍然係吸引到痹。