明年2至3月舉行嘅香港藝術節已經係第43屆,上月開始預訂門票。夏佳理認為,過去10至15年,香港嘅表演藝術變化大,藝術節以前較多外國藝團表演,近年越來越多本地藝團參與;而觀眾嘅眼光亦越來越「尖」,欣賞範圍既闊且廣。
香港藝術節行政總監何嘉坤認同,指𠵱家嘅觀眾相當有要求,「例如一個樂團來港表演,佢哋會問邊位指揮、用邊類樂器、演奏邊一個版本等等,相當仔細」。
唔講唔知,藝術節每年邀請不同國家、不同種類嘅藝團來港,過程絕不簡單。知名嘅表演團體收費不便宜,而且本身演出多,要排期。因此,藝術節負責人除咗要跟不同藝團講價,還要花上好多時間去傾、去等,何嘉坤透露,一般要傾3至5年先至成事,快都要傾兩年。
明年藝術節就邀請到莫斯科大劇院芭蕾舞與歌劇團來港表演3齣作品,為一大重點節目。
李華華
mailto:
[email protected]