今日黎明同蔡加讚喺中出席「第17屆愛彼女皇盃」活動，活動上介紹咗一隻限量版嘅手錶，司儀問黎明對呢隻錶有咩感覺，黎明又大爆金句：「冇感覺，因為太輕，好似膠錶咁輕，呢個輕過膠錶，問我呢，就冇感覺。」

司儀講到黎明星座係人馬座，加上係馬年出世，問佢同馬有冇咩相似嘅地方，黎明就話：「跑得多都會跌，仆親之後起番身再跑過，呢啲叫體育精神。」再講到係唔係唔怕失敗？黎明就話：「命運叫你不敗，就永遠不敗，命運要你敗，你就冇得避。」

另外，問到蔡加讚隻馬會唔會出賽？佢就話隻馬未夠班，不過都有進步，但就未有計劃買多隻。至於會唔會生多個BB，佢就話：「未有打算打多個，等囡囡大啲先，0依家識得叫媽媽。」

識得叫媽媽，但又未識叫爸爸，蔡加讚就話唔會呷醋。而蔡加讚因為多嘢做，所以要假期先可以陪囡囡，加讚就話一有假，就會陪住囡囡，因為怕囡囡唔認得佢，加讚又話太太0依家會畀啲生果蓉囡囡食，嚟緊仲想畀雞肉佢食，問到加讚有冇試過囡囡嘅嘢食？佢就話：「試過唔好食，得個樣好食。」