【本報訊】「突然間嘭一聲，有嘢跌落嚟打到我塊面，醒嚟見到成面都係血……」在番禺旅遊巴大車禍中受傷的團友，大部份人事發時在睡覺，直至撞車才驚醒。他們負傷逃出車廂，憶述事發經過時猶有餘悸，「架旅遊巴前面車頂塌落嚟，見到兩個死者瞓喺走廊同座位度，好恐怖！」有人抱怨救護車姍姍來遲，「等咗成個鐘，啲醫護人員動作好慢，同香港唔同」。
家住葵興邨的周靜儀婆婆，在車禍中雙眼受傷腫起，事後被送往廣州市南沙中心醫院治療，至昨午獲安排返港就醫。她指一行8人報團往番禺遊玩，事發前坐在前排座位睡着，「都唔知撞到乜」。

見兩死者卧血泊

她痛醒始知遇車禍，並見女死者倒在座位上，男死者則倒卧走廊不停流血，又指「當時好似去到地獄咁，𠵱家諗起都好驚」。周婆婆雙眼受傷，事後用身上的藥油塗抹止血，「如果等佢架車（救護車）嚟，流血都流死咗」。
周婆婆同行友人亦受傷送院，其中馮少珍婆婆撞傷前額，她說事發前剛吃過晚膳，「好攰，嘭一聲撞到，啲人呆晒、慌晒，車頂成個塌落嚟，好多傷者，我哋喺馬路邊等，但係救護車一個鐘頭至到，好遲」。她表示以後不敢再參加此類旅行團。
傷勢較重的劉淑蘭婆婆，當時坐在馮婆婆前面，除頭部多處受傷外，或因失血太多及撞到頸骨，雙手麻痹乏力。她稱後排乘客傷勢輕微，但無人扶她下車，有人更催促她落車。
■記者廖怡德