香港電影New Action之「星。勢。力」展館今日在灣仔影視博覽娛樂開幕，十位新一代香港演員打造精美造型照片製成紀念特刊，包括有梁雍婷、余香凝、馮凱銳、林耀聲 、顧定軒、鄺芷凡、吳海昕、談善言、柯煒林、李任燊，由劉天蘭擔任形象總監。梁雍婷造型野性，而馮凱銳則以 pole dance造型上陣。

余香凝覺得製作呢個場刊可以令更多人認識到佢哋新面貌， 亦特別感謝劉天蘭幫大家設計。噚晚導演會上有冇導演因為睇咗呢本場刊而認識？余香凝話：「識咗好多唔同導演，合作過嘅亦都見到面，特別係彭秀慧佢得獎感動到喊，梁雍婷又攞獎，好開心，上年自己係新人，過去一年對自己工作都好滿意，未來有三套電影會上。」余香凝剛從日本拍完一套大陸網劇返香港 ，佢話：「去到當地一個用嚟拍av樓層拍攝，每層有唔同主題，都有去參觀吓。」

馮凱銳是十星中最性感造型， 佢話：「第一次見到劉天蘭時，佢想了解我哋多啲攞影相靈感，我就同佢講有跳開pole dance，佢睇完之後就提議我影 心裏面好緊張，但因為係劉天蘭所以有信心 。」至於日後在演藝方面遇到好劇本不排性感演出。

精選娛聞，喺晒《娛果》
http://fb.com/appledailyent