蔡加讚今日喺九龍城出席童軍活動，提到佢同甄子丹共同擁有嘅愛駒「宇宙車神」日前喺沙田馬場內嘅行馬機踱步做運動時，不幸遇上意外，事件中合共涉及9隻馬，造成1死8傷（新聞連結： http://bit.ly/2wQ2FEl ），蔡加讚坦言聽到消息後感心痛：「（「宇宙車神」）接受輕微治療後冇乜事，應該唔影響之後賽事。」佢仲話計劃稍後探望愛駒。

另外，Dear Jane成員黃天翱（Tim）快將做爸爸，醫生指太太楊洛婷可能會早產，預計兩星期內，佢笑住話：「我會陪入產房，但17號去大陸開演唱會，同阿女講hold住、唔好出嚟住，不過我哋搵咗朋友幫手，有幾方面準備。」Tim更笑指已準備好太太嘅日用品，但因物品太多，所以要帶「走佬篋」。