自從同周永恒離婚後，帶住兩個女重過新生活嘅阿Yu趙頌茹，密密接Job擔起頭家。

噚晚(28日)就幫香港撒瑪利亞會舉辦嘅一個慈善活動做表演嘉賓，由於個活動係講黑暗走到黎明，所以阿Yu喺台上唱歌唱到凌晨五點，到第二日再馬不停蹄做活動。事後阿Yu就話自己自從生咗囡囡之後，未試過咁夜都未瞓，不過佢就認為自己有機會參加呢類有意義嘅活動，就算再忙，自己都覺得好開心。佢話：「其實呢排忙做嘢，有時見唔到囡囡都有啲唔慣，不過越做得多嘢，就發現原來自己係鍾意呢種咁忙嘅生活，做到workhard，playhard就最好！」