7月尾，肥媽（Maria Cordero）現身撐警集會後，幾乎消聲匿跡，良久不見她的蹤影。而日前肥媽帶同丈夫出席活動，自爆原來兩年前，丈夫患上肺癌，單是今年已經進出6次醫院，醫藥費更高達600萬，肥媽更指，醫生話她丈夫原本只有一年壽命，幸好情況穩定，現時丈夫比醫生估計的情況理想。

除了擔心老公病情，肥媽指近期香港的政治情況，亦令她與家人吵大鑊。自言有32名家庭成員的肥媽，指有一日所有屋企人在家收看新聞時，為政治立激烈爭吵，肥媽見情況一發不可收拾，情緒激動下，結果撼頭埋牆，更令後腦部分腫起一大嚿。雙重打擊之下，肥媽之後出現手震，並且要向心理醫生求醫，經醫生建議後，肥媽除了與家人坦誠溝通，更要愛惜各人觀點，不過最重要，是肥媽同屋企人達成協議，唔再睇電視新聞，就算出席活動，都要得到屋企人同意。經過一段時間後，肥媽病情亦有好轉，由原本服食兩粒藥丸減至一粒，但仍然需要長期服食。

9月2日起升級條件將更新 繼續每月撐壹仔 講真心話撐住我香港！