韓國男團JYJ成員金俊秀去年2月9號入伍，當兵1年9個月，今日金俊秀正式喺京畿道水原市京畿南部警察廳退伍，並獲500多名來自世界各地嘅粉絲迎接。

金俊秀喺現場舉辦退伍儀式，並喺現場發表感想，指今日係值得記住嘅一天，感謝這麼多人前來應援，又話：「真心感謝，呢一年9個月說短不短，說長不長，但呢段時間令我學習咗好多東西，義警生活嘅過程中睇到好多東西，未來喺社會亦將以這些經驗為基礎，努力為社會做出貢獻。」

金俊秀話此刻雖然好想直接返屋企休息，但亦都也好想出去旅行，不過佢知道粉絲會等佢，所以亦希望盡快喺舞台上見大家。

至於隊友朴有天及金在中，金俊秀話不時都會收到隊友嘅祝賀短訊，預計會好快同佢哋見面。而後日金俊秀將會舉行粉絲簽名會，為退伍後首個活動。

精選韓流，喺晒《娛果》
http://fb.com/appledailyent