PS2《R-Type》告別登場
有番十年機齡嘅機迷相信都有玩過射擊名作《R-type》，街機一出，啲人圍住嚟睇，睇到嘩嘩聲，畫面之靚當時可謂空前。後來分開兩集移植到PC-ENGINE，賣到四、五百一個都賣到斷貨，可想而知幾厲害，相比𠵱家機迷就幸福得多，行貨《R-TYPEFINAL》都係賣$288，據廠方表示今集會係系列最終章，有興趣不妨試吓。另早前斷咗貨好耐嘅《東京巴士案內》會喺8月7號推出廉價版，定價2,000日圓，即係180蚊左右有交易，同日推出萬眾期待嘅《WINNINGELEVEN7》，隨行貨會附送特別鎖匙扣。