講起出色嘅亞洲球員，比較多人講嘅都係日本嘅香川真司，岡崎慎司，南韓嘅孫興民咁，可能比較少人諗起西亞球員。不過踢緊阿聯酋球會艾阿恩，有「阿拉伯美斯」之稱嘅奧馬鴨都拉文，都係好多球迷公認極具天份嘅好波之人，網上亦有唔少「球王片」，甚至BBC體育都用一個專欄去講佢。而最近，佢開到聲話想闖英超。

呢位外型酷似車路士後衛大衛雷斯嘅奧馬鴨都拉文，今年26歲，正值當打之年，15年嘅亞洲盃，佢帶領阿聯酋擊敗日本，仲拎到季軍，更係16年奪得亞洲足球先生。好多人都認為呢位球星，好快可以去歐洲闖一闖，不過到依家都只聞樓梯響，「我曾經收過法甲尼斯同英超阿仙奴嘅邀請，而且13年喺曼城試訓左兩個禮拜，仲差唔多加盟，不過最後都冇成事。」其實最阻礙鴨都拉文闖英超嘅，就係佢代表嘅阿聯酋世界排名太低，令球會幫佢申請工作證難度大增。睇黎要闖英超，仲要再等等嚕。

----------
係你！打造星級球隊，征服各地聯賽！立即加入『BFB CHAMPIONS 2.0』！
http://bit.ly/2xrTKGM