年廿八「洗邋遢」，傳統會在今日清理居室大掃除，迎接農曆新年來臨。除了執拾整齊及掃塵外，家中的雪櫃亦應該清潔一下，因為雪櫃平日逼滿各式食品，混雜一起會傳出陣陣異味，其實都幾難聞。不過只要花點心機，就可以將雪櫃變得煥然一新。

雪櫃是存放食物的地方，不宜用化學清潔劑，以免污染食物，平時每隔兩星期應用清水洗抹，但若太過污糟的話，可用濕布沾上檸檬汁或白醋過水洗；另外，雪櫃門的膠邊亦有機會發霉，可嘗試用牙膏擦拭，再用清水抹淨。

至於如何僻走難聞異味，可用長身的膠樽剪成短身，中間放茶葉後蓋回樽頭部份，細樽口才易吸走臭味，將其放於雪櫃角落，兩星期更換一次。