37歲容祖兒(Joey)同41歲劉浩龍(師兄)拍拖5年，外界由唔睇好呢段「龍兒戀」到接受，唔少人都靜候佢哋傳出婚訊，早前終於有動靜，不過係婚訊變分訊，「龍兒戀」正式玩完。Joey同師兄分別出席活動，大家當然追問呢件事，Joey只係話：「我一直嘅愛情生活都唔習慣同大家去講，留番俾自己去處理。」(新聞連結： http://bit.ly/2G0pWIR )師兄堅持回應兼話：「互相支持大家，佢好我開心，我好佢開心。」(新聞連結： http://bit.ly/2pkhav0 )

不過今日有周刊報道，「龍兒戀」發展嘅初期，師兄的確被祖兒身邊嘅朋友認定佢係有目的，但係經過5年嘅相處，雖然師兄已經融入咗女友嘅朋友圈，但係容媽媽依然係一個好大嘅阻力，作為一個媽媽，當然希望自己嘅仔女可以搵到一個附托終身嘅人，佢覺得男方喺事業未見有突破，女尊男卑嘅情況日益嚴重！

報道仲話師兄都明白問題所在，雖然佢一直都好想可以做好啲，但係機會唔多，再加上佢係一個自尊好強嘅人，每次拍拖食飯兼去旅行，佢都堅持要一人一半，甚至連結婚嘅錢都冇，有時候Joey喺工作上都有俾啲意見，但係師兄都冇認真考慮，所以Joey喺年初決定分手，一方面希望專心照顧媽咪，另一方面覺得分開係一好事，希望師兄專心工作，不過再見亦是朋友，佢哋嘅關係依然好好。

精選娛聞，喺晒《娛果》
http://fb.com/appledailyent