大圍新盤呎價超過2萬元，入場費逾400萬元。區內街坊崔先生就感嘆：「離哂譜！脫哂節！見到真係，搞錯呀，咁樣升法。(珀玥開價平均呎價超過2萬元?)戇居!唔知我戇居，定啲人戇居。2萬幾蚊一呎，大佬，搵份人工，個份人工都買唔到一呎，點頂呀!你估個個議員十萬八萬一個月，打工仔邊到買得起呀!以我打工來講，就上唔到車，自己有仔女，而家都抓哂頭，點頂呀?你話一般人打工，我都唔知點人儲首期呀。」

大圍新盤距離港鐵大圍站僅數分鐘步程，另一名街坊吳太卻指出：「呢度無大型商場，無幾多間舖可以行下呢，麥當榮都無一間，百佳都執咗笠。」對於區內新盤開價逾2萬元一呎，入場費逾400萬元，她表示：「諗都唔使諗，講都唔使講，我哋是異想天開。唔好講私樓，政府樓都唔使諗。400幾萬一層樓，睇你做咩工囉，而家食餐飯都六七十蚊，仲要無野飲，有野飲要八九十蚊成舊水，你睇香港開支幾大！」如果有錢，她就話：「有錢梗係會買私樓。新居屋，有得等係好，不過唔知等到幾時呢，起碼等十年八年，而家都四、五十歲，咁係咪等到七、八十歲呢，下一屋政府又唔知點樣情形，始終香港人多地少。」

全球樓行 Dream House零距離
https://hk.feature.appledaily.com/overseasproperty