當年今日
關於我們

歐陽妙芝5歲細仔變星級化妝師

蘋果日報 2013/03/03 06:00

歐陽妙芝

歐陽妙芝喺奧海城出席化妝品活動,歐陽妙芝嘅5歲細仔方玉亨即場幫佢化妝,氣定神閒,而大仔方玉丞嚟支持細佬。

歐陽妙芝話細仔自細向星級化妝師GaryChung請教同留意佢化妝嚟偷師:「佢未夠3歲,萬聖節時去樂園玩,佢帶晒架生喺餐廳自己化妝,唔用鏡畫交叉、黑眼圈,工作人員都驚嘆。」o依家細仔成日幫自己化妝,妙芝表示支持佢做星級化妝師,一向都畀自由度佢,又讚佢有天份:「佢對演藝界、制作有興趣,留意台燈聲,問人搭台盞燈係乜燈。」會唔會畀囝囝做童星?佢話細仔冇話過想拍戲,講過想做歌手。