資深演員高飛（林伯恒）上月30日因前列腺癌病逝，享年65歲，高飛的喪禮於明天在大圍寶福紀念館進行，其家屬今天於4樓的妙廣堂設靈，靈堂佈置簡潔，橫匾寫「德範長存」，獨子林志強(Jimmy)坐在輪椅為亡父打點，高飛的好友吳毅將、白彪、王龍威、葉天行、張志德（細鬼）也有出席。

吳毅將指第一部電影做男主角，就是由高飛介紹，當時吳毅將還在亞視工作，後來連續幫高飛拍了數部電影，他說：「啱啱收到呢個消息都好突然，因為飛哥個人好好，好大方，好冇所謂，又好肯教啲後輩嘢，飛哥都好肯我，真係好突然，因為飛哥又唔煙又唔酒，60幾歲都好後生，所以世事真係好難講。」

講到高飛兒子Jimmy，吳毅將指在新聞中看到他經濟有困難，如果到時有朋友或者組織幫助，他也會出一分力，又叫Jimmy要好好照顧自己身體。

白彪指認識高飛43年，他說：「我哋由邵氏開始一齊做武師，好多年老友，飛哥一手一腳去搞明星足球隊，曾志偉、校長都係佢搵返嚟，仲記得當年同飛哥去台灣、菲律賓拍戲，佢拍好多戲，今年二、三月嗰陣，我喺加拿大聽到飛哥話搵緊網劇，仲叫我返嚟幫手。」白彪亦表示知道已經高飛有病五年，不過他一直好樂觀，鬥心很強，2、3月高飛的聲音也很精神，但後來聽到高飛的癌細胞擴散到膀胱，同時表示知道兒子的經濟有問題，但有不少工會將會幫助他。