英皇二人組合Twins日前拍攝了一首賀年串燒歌MV。蔡卓妍（Charlene）畫上鬍子扮鹹濕公子，摸紥了小髻的鍾欣桐（Gillian）。

最近網上流傳一段Twins的賀年歌MV片段，有人以標題「Twins未曝光爆笑MTV」的電郵廣泛傳遞。

自畫假鬍鬚
Twins的鍾欣桐（Gillian）及蔡卓妍（Charlene）在MV內扮鬼扮馬唱串燒賀年歌，梳着兩個小髻的Gillian，扭腰擺臀一臉風騷地唱歌，最搞笑的是Gillian在左邊嘴唇上面黐了一粒銷魂癦。
Charlene則反串男角，她還故意在嘴唇周圍用黑筆畫了假鬍鬚，她拿着劍蘭與菊花送給Gillian，討其歡心，Charlene還不時用手指摸下巴，似足鹹濕公子，令人忍俊不禁。

造型夠搞笑
經記者向Twins所屬的英皇唱片公司查證後，原來Twins早前的確灌錄了一首串燒賀年歌《孖寶668》，主力會在卡拉OK播放，並會買電視廣告時段播出。但歌曲未出街前，英皇唱片先將MV部分片段給宣傳人員私下發放給朋友，圖以一傳十，十傳百的方式，收免費宣傳之效。
英皇唱片部總經理林偉漢昨日接受電話訪問時說：「Twins早前趁喺內地拍劇《齊天大聖孫悟空》返港嘅空檔，花咗兩日拍賀年歌MV，嗰首歌係《歡樂年年》、《財神到》、《迎春頌》、《恭喜恭喜》同埋《新春頌獻》串燒而成。Twins喺MV內會以多個唔同造型示人，全以搞笑為主，帶畀歌迷歡樂氣氛。」據悉，Twins將於下周五（十八日）出席MV首播活動。
採訪：蔡如玉