杜琪峯執導嘅電影《三人行》，古天樂飾演警察、鍾漢良飾演悍匪，而趙薇演外科醫生，今日喺廣州花千萬人民幣搭建嘅醫院廠景拍攝，古天樂、趙薇、鍾漢良、黃子晴、龔慈恩及王梓軒等均有同場。

古天樂指該戲由農曆新年開拍至今，古仔話：「齣戲成件事喺醫院發生晒，導演會俾驚喜大家，會有一個80幾人一齊拍嘅鏡頭，一take過拍晒，而醫院所有器材都喺香港運送嚟，喺香港請醫生上嚟教拍。」

古仔話睇到趙薇拍開腦嘅片段，睇到少少已經覺得好恐佈，仲嘩嘩聲。至於戲中古仔、鍾漢良同趙薇有冇感情戲，古仔話：「我哋3個都冇感情戲，都係冷血。」飾演腦科醫生嘅趙薇話，今次演專業醫生絕對唔容易，因為佢要喺中動手施手術，所以埋位拍攝之前，花咗半個月時間瞓練，趙薇話：「我唔怕血，但係古仔在場睇咗開腦手術幾個鏡頭，已經走咗。」