特區政府於本月15日宣佈「暫緩」《逃犯條例》修訂，強調政府「接受」條例在今屆立法會會期結束後，草案會「自然死亡」的事實，立法會主席梁君彥也為政府護航，指政府早前表示是撤回相關預告，符合《議事規則》。前立法局主席黃宏發卻炮轟港府及立法會主席梁君彥，公開宣佈暫緩草案立法程序不符合《議事規則》，「你可以將佢押後，但要公開（在會上）講，唔係閂埋門，（政府）同主席話我收返個預告，（實際）冇得收返預告呢回事」。

黃宏發接受《蘋果》查詢表示，不會評論當局所言的暫緩條例是否「語言偽術」，但直言說法「冇意義」，他解釋指，政府將草案交予立法會，並已完成首讀、開始二讀，當局官員亦與立法會內務委員會共同決定將草案提交至立法會，在本月12日大會恢復二讀辯論，「咁嘅情況即已交畀立法會，已開始立法程序嘅草案，草案已喺立法會手中」，認為根據《議事規則》，政府並不能收回已放在大會議程上的草案的相關預告，「係唔收得，《議事規則》話明要收嘅話，只可在二讀辯論恢復時，需要喺會上發言，話我將佢押後或撤回，只可做兩樣嘢唔可以收回預告」。

黃再三強調，政府單方面宣佈暫緩立法程序，不符合規則，「暫緩嗰樣嘢根本就係有手續未完成唔能夠當押後，因為佢需要喺會上宣佈，唔係向公眾宣佈我（政府）暫緩，然後同主席閂埋門話我（政府）唔畀個預告，呢個完全唔合手續，而且咁樣拖落去係無意思」，他又指，雖然《議事規則》給予主席權力決定議程，但僅限安排議程何時討論，「嗰樣嘢交咗畀你，你有責任將佢交出嚟，條例草案交咗畀立法會，主席唔可以hold住（扣起）佢」，直言梁的做法有風險：「若果我係主席我會好頭痛，因為隨時有議員可以（法律）挑戰」。

黃宏發早前與多名前高官及議員聯署，要求港府立即撤回《逃犯條例》修訂，成立獨立調查委員會調查6.12事件，以及收回定性6.12為「暴動」的說法。

-----------------------------
七一遊行2019
主題：撤回惡法 林鄭下台
副題/口號：重啟政改 釋放所有政治犯 撤銷暴動定性 徹查612鎮壓
日期：2019年7月1日
集合時間：下午2時30分
遊行路線：銅鑼灣維園中央草坪至金鐘政府總部
主辦團體：民間人權陣線
-----------------------------
【登記做選民 7月2日截止】

登記方法：
。親身取表填寫及郵遞
。網上登記（可用手機登入，在選舉事務處網頁打開REO-1表格，使用免費手機應用程式Adobe Fill & Sign打開表格，再按指示填寫資料，按儲存文件並以點擊分享，再電郵至 [email protected]）

詳情可參閱選舉事務處網頁：
https://www.reo.gov.hk/ch/voter/gcnr.htm

-----------------------------
7月4日起 《蘋果動新聞》只限升級壹會員閱覽
繼續撐蘋果！