情路兜兜轉轉，唔知係唔係分開先知對方好，52歲吳啟華話咁快就同前妻石洋子復合!

吳啟華前年10月宣佈同細佢21年嘅大陸妻子石洋子離婚，結婚未夠3年就分居，吳啟華指「難辭其咎」，石洋子受訪嗰陣，又話同吳啟華年齡相差太遠，溝通唔到，無奈分開，至於囡囡熙兒則由兩人共同照顧(新聞連結： http://bit.ly/2bIuMZG )。

今日有周刊爆吳啟華同石洋子復合3個月，早兩個星期仲一齊去咗沖繩，同行仲有趙碩之同周美欣，四人9月10日出發，去玩五日四夜，不過石洋子未知係唔係暫時唔想畀人知佢同吳啟華翻撻，只係喺微博晒風景相，回程仲去咗沖繩嘅魚市場嘆魚生，全程好照顧石洋子，返港喺機場嗰陣，二人仲隔幾個身位行，但係吳啟華都好有風度，幫手推行李，去到的士站時，石洋子先上車，吳啟華搬行李，一齊返寓所。

報道又指，嘆完個旅行，石洋子返咗大陸，吳啟華只係閒時約老友同有一日去咗尖東揼骨，有知情者向周刊爆吳啟華同太太復合後，少咗過大海玩兩手。